今日就講下，靈嬰解會纏住父母唔放，特別係纏住媽咪!
有啲人覺得好唔理解 ,如果冤親債主過嚟搵我哋都算啦 !但係唔知點解嬰靈總係纏住父母唔放。
其實原因都好簡單，因為好似小朋友咁樣，當一個bb佢肚餓嘅時間你覺得佢會點樣做?佢一定係會發脾氣,一定係會扭計,一定會唔開心,嬰靈亦都好似bb咁樣，佢亦都會感到好無助，當佢好無辦法，佢又得唔到佢想需要嘅嘢的時候，佢唯有就畀啲信息我哋陽人 ，咁等到我地比到佢可以得到佢想得到嘅嘢。
舉例當佢唔開心，當佢受緊苦，為比其他靈體欺負的時間，特別係當佢想起當天可能以為自己可以投胎成人，但係竟然畀人墮胎了。
無論係人為又好，或者係意外都好，令衪唔可以降生為人嘅時間，佢就會好唔開心，當佢唔開心時便會好大怨氣，咁有時咁唔係真係想去害人，只不過就係佢有啲嘢，佢可能想得到!可能佢想得到人哋嘅關心愛護!但佢又唔知點樣去處理!所以佢就可能會用盡方法去畀陽人感覺到佢嘅存在，但佢用啲方法（例如跟住大家）可能有時會令人哋運氣唔好，身體轉差或令人產生不安。
媽咪特別當災的原因，除了是因女性陽氣較弱，較受靈體影響之外，懷胎十月，令母親跟嬰靈的感應較父親強。
